«Ռուսաստանն ու ԱՄՆ-ն Ուկրաինայի հարցով աշխատանքային խմբեր կստեղծեն»․ Ուշակով

Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը հեռախոսազրույցի ընթացքում համաձայնության են եկել ստեղծել աշխատանքային երկու խումբ՝ ուկրաինական հակամարտությունը կարգավորելու համար։ Այս մասին հայտնել է ՌԴ նախագահի օգնական Յուրի Ուշակովը։ «Հարկ է նշել, որ այսօրվա զրույցի ընթացքում Ռուսաստանի նախագահը համաձայնել է ամերիկյան կողմի առաջարկին՝ շարունակել աշխատանքները Ուկրաինայի շուրջ ստեղծված իրավիճակի կարգավորման ուղղությամբ ստեղծվելիք աշխատանքային խմբերի շրջանակներում։ Խմբերից մեկը կքննարկի անվտանգության հարցերի տարբեր ասպեկտներ, մյուսը՝ տնտեսական հարցեր»,- լրագրողներին ասել է Ուշակովը։

Դեկտեմբերի 28-ի երեկոյան Ռուսաստանի և Միացյալ Նահանգների նախագահները հեռախոսազրույց են ունեցել, որը տեղի է ունեցել ամերիկյան կողմի նախաձեռնությամբ և տևել է 1 ժամ 15 րոպե։