«Պատերազմը կարող է ավարտվել 2026 թվականին»․ Զելենսկի

184

Այսօր, 12:49

Պատերազմը կարող է ավարտվել 2026 թվականին, քանի որ ռուսական բանակի թվաքանակն առաջին անգամ դադարել է աճել։ Այս մասին Fox News-ին տված հարցազրույցում ասել է Ուկրաինայի նախագահ Վլադիմիր Զելենսկին։

Նրա խոսքով՝ նախորդ տարիներին ՌԴ-ն ամսական մոտ 43 հազար մարդ էր հավաքագրում պայմանագրային հիմունքներով, սակայն 2025 թվականին իրավիճակը փոխվել է։ Առաջին անգամ ռուսական բանակում նորակոչիկների թիվը հավասարվել է կորուստների թվին, ինչի հետևանքով զորքերի ընդհանուր թվաքանակը դադարել է ավելանալ:

«Հետևաբար, կարծում ենք, որ 2026 թվականին, Աստծո կամոք, մենք կկարողանանք կանգնեցնել այս պատերազմը։ Հակառակ դեպքում Պուտինը կորոշի մոբիլիզացիա հայտարարել»,- ասել է Զելենսկին և հավելել, որ մոբիլիզացիան իր հերթին, սպառնում է ներքին խնդիրներով, այդ իսկ պատճառով Ռուսաստանի ղեկավարությունը փորձում է խուսափել այդ որոշումից։