«Ռուս զինվորականները հրաժարվել են կապ հաստատել ԱՄՆ-ի հետ»․ Թրամփ

Ատլանտյան օվկիանոսում ամերիկյան զինվորականների կողմից կալանված ռուսական դրոշի տակ նավարկող «Մարիներ» լցանավն ուղեկցվում և պահպանվում էր ռուսական նավերի կողմից, սակայն նրանք որոշել են «չկապնվել» Միացյալ Նահանգների հետ և հեռացել են։ Այսպիսի պնդմամբ է հանդես եկել ԱՄՆ նախագահ Դոնալդ Թրամփը՝ Fox News հեռուստաալիքին տված հարցազրույցում։

«Գիտեք, մենք կալանել ենք ռուսական բեռնատար նավ, որը հասել է այնտեղ։ Այնտեղ ռուսական նավեր կային, որոնք պահպանում էին այն։ Նրանք որոշել են չկապնվել մեզ հետ, ուստի մենք վերցրեցինք նավը։ Նավթը հիմա բեռնաթափվում է»,- ասել է Թրամփը։

Նշենք, որ նավը կալանվել էր հունվարի 7-ին։ ԱՄՆ ԶՈՒ եվրոպական հրամանատարության պնդմամբ՝ նավը կալանվել է ամերիկյան պատժամիջոցները խախտելու համար: