Թրամփը Վենեսուելայի հարցով կհանդիպի նավթային ընկերությունների ղեկավարների հետ

ԱՄՆ նախագահ Դոնալդ Թրամփը և նրա գրասենյակի անդամները այսօր կհանդիպեն 17 նավթային ընկերությունների բարձրաստիճան ղեկավարների հետ՝ քննարկելու Վենեսուելայի հարցը, հաղորդում է CBS-ը։
«Թրամփը, ԱՄՆ պետքարտուղար]Մարկո Ռուբիոն, Էներգետիկայի նախարար Քրիս Ռայթը և Ներքին գործերի նախարար Դուգ Բուրգումը այսօր կհանդիպեն 17 ընկերությունների ղեկավարների հետ», - նշվում է հրատարակության մեջ։

Նշվում է, որ ընկերությունների ցանկում են Chevron-ը, Exxon-ը, ConocoPhillips-ը, Continental-ը, Halliburton-ը, HKN-ը, Valero-ն, Marathon-ը, Shell-ը, Trafigura-ն, Vitol Americas-ը, Repsol-ը, Eni-ն, Aspect Holdings-ը, Tallgrass-ը, Raisa Energy-ն և Hilcorp-ը։

Սպիտակ տան ժամանակացույցի համաձայն՝ Թրամփի հանդիպումը Վենեսուելայի հարցով խոշոր նավթային ընկերությունների ներկայացուցիչների հետ տեղի կունենա այսօր՝ Երևանի ժամանակով ժամը 23:30-ին։