«Մենք միանշանակ գնալու ենք դրան՝ Ադրբեջանի և Նախիջևանի միջև անխոչընդոտ հաղորդակցությունն ապահովելուն»․ Նիկոլ Փաշինյան

«Կա ահռելի գործնական աշխատանք, մենք պետք է հնարավորինս արագ երեկվա հայտարարությունից բխող գործողությունները անենք»,- այս մասին կառավարության այսօրվա նիստում նշեց Նիկոլ Փաշինյանը՝ անդրադառնալով երեկ ՀՀ-ի ԱՄՆ-ի կառավարության անունից տարածված հայտարարությանը TRIPP նապագծի իրագործման վերաբերյալ։

«Նախ պետք է դրանք արդեն դե յուրե, համաձայնագրերի տեսքով ընդունվեն, համաձայնագրերի նախագծերի շուրջ արդեն անհրաժեշտ և նաև իրավական որոշումների վրա մենք կսկսենք աշխատել, մասնավորապես TRIPP անունով ընկերությունը պետք է ստեղծվի Հայաստանի Հանրապետությունում։

Նաև մենք պետք է երթուղիները որոշենք, ուղիները որոշենք՝ կառուցապատման իրավունքների, հողի օգտագործման, շինարարությունների, թույլտվությունների։

Ես կարծում եմ, որ մենք այսօրվանից պետք է պատրաստվենք, կապ չունի՝ տվյալ դիմումը արդեն մուտք է եղել տվյալ գերատեսչություն, թե չէ, դա հաստատ մուտք լինելու է։ Մենք այսօրվանից մեր պրոցեսները նայենք, որպեսզի ամեն ինչ պատշաճ ձևով և ժամկետներում իրականացնենք»,- նշեց Փաշինյանը։

«Մենք միանշանակ գնալու ենք դրան՝ Ադրբեջանի և Նախիջևանի միջև անխոչընդոտ հաղորդակցությունն ապահովելուն։ Այստեղ էլ պետք է հակամարտության տրամաբանությունից դուրս գանք և գանք նորմալ, խաղաղության հարիր տրամաբանության․ դա ո՛չ Հայաստանում, ո՛չ Ադրբեջանում շատ արագ չի լինելու»,- ընդգծեց վարչապետը։