Ուրբաթ, 21 օգոստոսի, 2026 թ.
|
Ստեփանակերտում`   +26 °C

Կատարում ԱՄՆ դեսպանատունը խորհուրդ է տվել դիվանագետներին չմեկնել «Ալ Ուդեյդ» ավիաբազա

Կատարում ԱՄՆ դեսպանատունը խորհուրդ է տվել դիվանագետներին չմեկնել «Ալ Ուդեյդ» ավիաբազա
1719
Հինգշաբթի, 15 հունվարի, 2026 թ., 15:01

Կատարում ԱՄՆ դեսպանատունը խորհուրդ է տվել իր բոլոր աշխատակիցներին խուսափել «Ալ Ուդեյդի» ավիաբազայի տարածք այցելելուց և երկրի ներսում ճանապարհորդելիս ցուցաբերել ավելի մեծ զգույշություն։

«Շարունակվող լարվածության պատճառով Դոհայում ԱՄՆ դեսպանատունը խորհուրդ է տվել իր աշխատակիցներին ցուցաբերել ավելի մեծ զգույշություն և սահմանափակել Ալ Ուդեյդի ավիաբազա ոչ խիստ անհրաժեշտ ուղևորությունները», - ասվում է դեսպանատան կայքում տեղադրված հայտարարության մեջ։

Նույն ձևով, դեսպանատունը խորհուրդ է տալիս Կատարում գտնվող ԱՄՆ բոլոր քաղաքացիներին խուսափել ավիաբազայի տարածք այցելելուց։ Հայտարարության մեջ նշվում է, որ դեսպանատունը շարունակում է գործել բնականոն ռեժիմով՝ առանց որևէ փոփոխության։

Ավելի վաղ Սաուդյան Արաբիայում ԱՄՆ դեսպանատունը խորհուրդ էր տվել իր աշխատակիցներին և թագավորությունում գտնվող ամերիկացիներին զերծ մնալ ռազմական օբյեկտներ այցելելուց։

Իսկ Reuters-ը, հղում կատարելով իր աղբյուրներին, հաղորդել էր, որ Վաշինգթոնը խորհուրդ է տվել որոշ զինվորականների տարհանվել Կատարի Ալ Ուդեյդ ավիաբազայից։