Պուտինն ու Նեթանյահուն քննարկել են Իրանում ստեղծված իրավիճակը

Ռուսաստանի նախագահ Վլադիմիր Պուտինը հեռախոսազրույց է ունեցել Իսրայելի վարչապետ Բենիամին Նեթանյահուի հետ, հաղորդում է Կրեմլի մամուլի ծառայությունը։ Երկու առաջնորդները քննարկել են Մերձավոր Արևելքում և Իրանում տիրող իրավիճակը։

Մամուլի ծառայությունը նշել է, որ Վլադիմիր Պուտինը Նեթանյահուին առաջարկել է քայլեր ձեռնարկել տարածաշրջանում կայունությունն ու անվտանգությունն ապահովելու համար։

Կրեմլի ներկայացուցիչ Դմիտրի Պեսկովը հայտարարել է, որ Պուտինը զրուցել է նաև Իրանի նախագահ Մասուդ Փեզեշքիանի հետ, և զրույցի արդյունքները շուտով կհրապարակվեն։