«Մաքսատուրքերը սպառնում են աղքատացնել Եվրոպան և Միացյալ Նահանգները». Կալլաս

ԵՄ արտաքին գործերի նախարար Կայա Կալլասը, ԱՄՆ նախագահ Դոնալդ Թրամփի՝ Գրենլանդիայի վեճի պատճառով ԵՄ մի քանի երկրների նկատմամբ մաքսատուրքեր սահմանելու որոշման վերաբերյալ իր առաջին մեկնաբանության մեջ նշել է, որ վեճը կարող է աղքատացնել Եվրոպան և Ամերիկան։
Շաբաթ օրը Թրամփը հայտարարել էր փետրվարին Դանիայի, Նորվեգիայի, Շվեդիայի, Ֆրանսիայի, Գերմանիայի, Մեծ Բրիտանիայի, Նիդեռլանդների և Ֆինլանդիայի դեմ 10% մաքսատուրք սահմանելու մասին, որը հետագայում կբարձրանա մինչև 25% և ուժի մեջ կմնա մինչև Միացյալ Նահանգների կողմից Գրենլանդիան գնելու վերաբերյալ համաձայնագրի կնքումը։
«Մաքսատուրքերը սպառնում են աղքատացնել Եվրոպան և Միացյալ Նահանգները և խաթարել մեր համատեղ բարգավաճումը», - գրել է նա X սոցիալական ցանցում։

Կալասը նաև իր մեկնաբանության մեջ նշել է, որ Ռուսաստանը և Չինաստանը «շահույթ են ստանում դաշնակիցների միջև եղած տարաձայնություններից»։