«Գրենլանդիայի նկատմամբ ԱՄՆ-ի վերահսկողության հարցը Թրամփի հետ չի քննարկվել». Ռյուտե

ԱՄՆ նախագահ Դոնալդ Թրամփի՝ ՆԱՏՕ-ի գլխավոր քարտուղար Մարկ Ռյուտեի հետ Գրենլանդիայի և ամբողջ Արկտիկական տարածաշրջանի վերաբերյալ ապագա համաձայնագրի շրջանակը ձևավորելու մասին հայտարարությունից հետո, Fox News-ին տված հարցազրույցում Մարկ Ռյուտեն նշել է, որ ԱՄՆ-ի կողմից Դանիայից Գրենլանդիայի նկատմամբ վերահսկողությունը ուժով վերցնելու հարցը չի քննարկվել Շվեյցարիայում անցկացված հանդիպման ընթացքում։

«Նախագահ Թրամփը հիմնականում կենտրոնացած է այն բանի վրա, թե ինչ պետք է անենք, որպեսզի ապահովենք այդ հսկայական Արկտիկական տարածաշրջանի պաշտպանությունը, որտեղ այս պահին փոփոխություններ են տեղի ունենում, և որտեղ չինացիներն ու ռուսներն ավելի ու ավելի ակտիվ են դառնում», - ասել է Ռյուտեն, երբ նրանից մանրամասներ են խնդրել Թրամփի հայտարարության վերաբերյալ։