«Թրամփին կներկայացվեն Իրանին ԱՄՆ-ի հնարավոր հարվածների նոր տարբերակներ»․ #Axios

Վաշինգթոնի վարչակազմի պաշտոնյաներն այս շաբաթ ԱՄՆ նախագահ Դոնալդ Թրամփին կներկայացնեն Իրանի դեմ ռազմական ուժի հնարավոր կիրառման վերաբերյալ նոր առաջարկներ։ Այս մասին հայտնում է Axios-ը։

Նշվում է, որ այս ամսվա սկզբին «Թրամփը մոտ էր Իրանին հարվածներ հասցնելու հրաման տալուն»՝ ի պատասխան երկրում տեղի ունեցող բողոքի ցույցերի: «Բայց նա հետաձգեց որոշումը՝ միաժամանակ ռազմական ուժեր տեղակայելով տարածաշրջանում։ Սպիտակ տան պաշտոնյաները նշում են, որ հարվածների հնարավորությունը դեռևս քննարկվում է, չնայած բողոքի ցույցերը հիմնականում ճնշվել են»,- նշում է պարբերականը:

Թրամփը դեռևս վերջնական որոշում չի կայացրել Իրանին հարվածներ հասցնելու վերաբերյալ: