Ուրբաթ, 03 ապրիլի, 2026 թ.
|
Ստեփանակերտում`   +16 °C

«ԱՄՆ-ն, Գրենլանդիան և Դանիան սկսել են բանակցությունները»․ #Reuters

«ԱՄՆ-ն, Գրենլանդիան և Դանիան սկսել են բանակցությունները»․ #Reuters
1332
Հինգշաբթի, 29 հունվարի, 2026 թ., 14:19

Մեկնարկել են ԱՄՆ-ի, Գրենլանդիայի և Դանիայի միջև բանակցությունները՝ դիվանագիտական ճգնաժամի կարգավորման շուրջ, որն առաջացել է ԱՄՆ նախագահ Դոնալդ Թրամփի՝ արկտիկական այդ տարածքի հասցեին սպառնալիքների պատճառով: Այս մասին հայտնում է Reuters-ը։

Դանիայի արտաքին գործերի նախարարությունը Reuters-ին ուղղված գրավոր մեկնաբանության մեջ հայտնել է, որ Դանիայի, Գրենլանդիայի և ԱՄՆ-ի ղեկավարության ներկայացուցիչները հանդիպում են անցկացրել՝ «քննարկելու, թե ինչպես կարող ենք լուծել Արկտիկայում անվտանգության հետ կապված այն խնդիրները, որոնք մտահոգում են Ամերիկային, միաժամանակ պահպանելով Թագավորության «կարմիր գծերը»»։

Ավելի վաղ, ԱՄՆ պետքարտուղար Մարկո Ռուբիոն հայտարարել էր, որ Միացյալ Նահանգները սկսել է Գրենլանդիային առնչվող գործընթաց, և որ տվյալ հարցով կանցկացվեն տեխնիկական մակարդակի հանդիպումներ Գրենլանդիայի և Դանիայի պաշտոնյաների հետ։