«Ֆիդանն Արաղչիի հետ կքննարկի Իրանի շուրջ ստեղծված իրավիճակը»․ #ТАСС

Իրանի ԱԳ նախարար Աբբաս Արաղչին վաղը կայցելի Թուրքիա։ Թուրքիայի ԱԳ նախարար Հաքան Ֆիդանի հետ բանակցությունների ուշադրության կենտրոնում կլինի Իսլամական Հանրապետության շուրջ ստեղծված իրավիճակը: Այս մասին ТАСС-ին հայտնել են Թուրքիայի ԱԳՆ աղբյուրները։

«Արաղչիի հետ հանդիպման ժամանակ նախարար Ֆիդանը կնշի, որ Թուրքիան ուշադիր հետևում է Իրանում տեղի ունեցող վերջին զարգացումներին և որ հարևան երկրում անվտանգությունը, խաղաղությունն ու կայունությունը մեծ նշանակություն ունեն նրա համար», - նշել են աղբյուրները։

Նրանք հավելել են, որ Ֆիդանը ևս մեկ անգամ կհայտարարի, որ Անկարան դեմ է Իրանում ռազմական միջամտությանը և կշեշտի այդպիսի գործողությունների հետևանքով առաջացող ռիսկերը՝ ինչպես տարածաշրջանային, այնպես էլ համաշխարհային մակարդակներում։