«Պուտինն ու Սի Ցզինպինը քննարկել են Իրանի շուրջ ստեղծված իրավիճակը»․ Ուշակով

Ռուսաստանի և Չինաստանի առաջնորդներ Վլադիմիր Պուտինը և Սի Ցզինպինը տեսակապի միջոցով մոտ մեկուկես ժամ զրույց են ունեցել, որի ընթացքում, մասնավորապես, քննարկել են Իրանի շուրջ ստեղծված լարված իրավիճակը։ Այս մասին լրագրողներին հայտնել է Ռուսաստանի նախագահի օգնական Յուրի Ուշակովը։

«Պուտինը տեղեկացրել է Իրանի Գերագույն ազգային անվտանգության խորհրդի քարտուղար Ալի Լարիջանիի հետ ունեցած հանդիպման մասին», - նշել է նա։

Ուշակովի խոսքով՝ լուրջ ուշադրություն է դարձվել նաև միջազգային ամենահրատապ հարցերին, «հատկապես հիմա, երբ աշխարհի մի շարք տարածաշրջաններում ստեղծվել են ծայրահեղ լարված և պայթյունավտանգ իրավիճակներ»։