Հինգշաբթի, 16 ապրիլի, 2026 թ.
|
Ստեփանակերտում`   +6 °C

«ՌԴ-ն պատրաստ է Երևանի հետ քննարկել TRIPP նախագծում Մոսկվայի հնարավոր մասնակցությունը»․ Գալուզին

«ՌԴ-ն պատրաստ է Երևանի հետ քննարկել TRIPP նախագծում Մոսկվայի հնարավոր մասնակցությունը»․ Գալուզին
489
Երեքշաբթի, 10 փետրվարի, 2026 թ., 11:34

Ռուսաստանը պատրաստ է Երևանի հետ քննարկել TRIPP նախագծում Մոսկվայի հնարավոր մասնակցության պարամետրերը, «Известия»-ին ասել է ՌԴ փոխարտգործնախարար Միխայիլ Գալուզինը։

««Թրամփի ուղի» նախագծի վերաբերյալ մենք պահպանել ենք մեր դիրքորոշումը։ Հայ-ամերիկյան նախաձեռնության մանրամասները դեռ պետք է ուսումնասիրվեն։ Պատրաստ ենք խորհրդակցել Երևանի գործընկերների հետ՝ քննարկելու նախագծի պարամետրերը և, անհրաժեշտության դեպքում, Ռուսաստանի հնարավոր մասնակցությունն այս կամ այն ձևով»,- հայտարարել է դիվանագետը։

Գալուզինը հիշեցրել է, որ Հայաստանի երկաթուղային ցանցը մինչև 2038 թվականը գտնվում է «Ռուսական երկաթուղիների» դուստր ընկերության կառավարման ներքո, իսկ Իրանի հետ սահմանին տեղակայված են ռուս սահմանապահներ։

«Մենք պետք է հաշվի առնենք նաև Հայաստանի անդամակցությունն ԵԱՏՄ-ին։ Այս պայմաններում պարզ է, որ մեր գործընկերները չեն կարող առանց Ռուսաստանի»,- նշել է փոխնախարարը։