«Ռուբիոն չեղարկել է Մյունխենում Ուկրաինայի հարցով նախատեսված եվրոպացի առաջնորդների հետ հանդիպումը». #FT

Ռուբիոն չեղարկել է Մյունխենում Ուկրաինայի հարցով նախատեսված հանդիպումը եվրոպացի առաջնորդների հետ, հաղորդում է FT-ն։ Սա վկայում է հակամարտությունների կարգավորման գործում Եվրոպայի ներգրավվածության նկատմամբ Վաշինգտոնի հետաքրքրության թուլացման մասին, նշում է թերթը։

Պետքարտուղարը նախատեսել էր հանդիպում Եվրոպական հանձնաժողովի, Գերմանիայի, Լեհաստանի և Ֆինլանդիայի ներկայացուցիչների հետ։ Փոփոխության պատճառը նշվել է խիտ գրաֆիկը։ ԵՄ պաշտոնյաներից մեկը չեղարկումը անվանել է «խելագարություն», հաղորդում է FT-ն։ Մյունխենից հետո Ռուբիոն գնացել է Օրբանի հետ հանդիպման։

Պետդեպարտամենտի բարձրաստիճան պաշտոնյան հայտարարել է, որ այցը նպատակ ունի ամրապնդել կապերը երկրի հետ, որը, ի տարբերություն եվրոպական երկրների մեծ մասի, կիսում է Թրամփի տեսլականը Ուկրաինայում խաղաղության վերաբերյալ, նշվում է հոդվածում։