«Ղրղզստանում պետական հեղաշրջման նախադրյալներ չկան»․ Ժապարով

Ղրղզստանում պետական ​​հեղաշրջման նախադրյալներ չկան, հայտարարել է հանրապետության նախագահ Սադիր Ժապարովը։

«Հեղաշրջում կամ նման բան չի լինի։ Նախ, օրենքը դա թույլ չի տալիս, և երկրորդ, նման իրավիճակ գոյություն չունի։ Երբ ասում եմ, որ հեղաշրջման որևէ իրավիճակ չկա. օրական 24 ժամից 20-ը ես աշխատում եմ։ Ամեն ինչ վերահսկում եմ։ Եթե տեղի են ունենում սխալ բաներ, անմիջապես հանձնարարություններ եմ տալիս համապատասխան նախարարներին, նահանգապետներին՝ ուղղելու համար»,- հայտարարել է նա։

Փետրվարի 10-ին Ղրղզստանի առաջնորդն ազատել է իր վաղեմի և մտերիմ դաշնակից Կամչիբեկ Տաշիևին կառավարության նախագահի տեղակալի և Ազգային անվտանգության պետական ​​կոմիտեի ղեկավարի պաշտոնից։

Իսկ այսօր աշխատանքից ազատվել են արտակարգ իրավիճակների, բնական պաշարների, բնապահպանության և տեխնիկական վերահսկողության, ինչպես նաև տրանսպորտի և հաղորդակցության նախարարները: