«Իրանը մշակում է հրթիռներ, որոնք կարող են հասնել ԱՄՆ»․ Թրամփ

ԱՄՆ նախագահ Դոնալդ Թրամփը Քոնգրեսին ուղղված իր ելույթում հայտարարել է, որ Իրանը դեռևս չի հրաժարվել միջուկային զենք ստեղծելու ծրագրից։ Միաժամանակ, նա նշել է, թե Թեհրանը մշակում է զենք, որը կարող է խոցել թիրախներ Եվրոպայի և ԱՄՆ-ի տարածքում։

«Նրանք արդեն մշակել են հրթիռներ, որոնք կարող են սպառնալ Եվրոպային և մեր արտասահմանյան բազաներին, և այժմ աշխատում են հրթիռների վրա, որոնք շուտով կարող են հասնել Ամերիկայի Միացյալ Նահանգներ»,- ասել է նա։

Նախագահը նշել է, որ իր վարչակազմը կշարունակի աշխատել Իրանի հետ՝ թույլ չտալու համար միջուկային զենքի մշակումը, սակայն անհրաժեշտության դեպքում նա առանց վարանելու կդիմի նաև այլ քայլերի։