«Թեհրանը հրթիռներ չի արձակել Թուրքիայի ուղղությամբ»․ Իրանի ԶՈւ ԳՇ

Իրանը հերքել է Թուրքիայի տարածքի ուղղությամբ հրթիռի արձակումը, հայտարարել է Իսլամական Հանրապետության զինված ուժերի գլխավոր շտաբը։

«Իրանի զինված ուժերը հարգում են հարևան և բարեկամ Թուրքիայի ինքնիշխանությունը և հերքում են այդ երկրի ուղղությամբ որևէ հրթիռի արձակումը», - ասվում է Գլխավոր շտաբի հայտարարության մեջ ։

Չորեքշաբթի օրը ավելի վաղ Թուրքիայի պաշտպանության նախարարությունը հայտարարել էր, որ Մերձավոր Արևելքում հակամարտության սկսվելուց ի վեր առաջին անգամ Թուրքիայի օդային տարածքում ոչնչացվել է բալիստիկ հրթիռ, որը ենթադրաբար արձակվել է Իրանից։ Թուրքիայում հրթիռի բեկորների ընկնելուց հետո Թուրքիայի նախագահի վարչակազմը հայտարարել էր Իրանի շուրջ լարվածության ֆոնին հանրապետության վրա ցանկացած հարձակմանը պատասխանելու պատրաստակամության մասին։