«Իրանի ԶՈՒ-ն Նախիջևանի շրջան է ուղարկել չորս ԱԹՍ՝ հարձակումներ իրականացնելու համար». Ադրբեջանի ՊՆ

Իրանի զինված ուժերը Նախիջևանի շրջան են ուղարկել չորս անօդաչու թռչող սարք՝ հարձակումներ իրականացնելու համար, ասվում է Ադրբեջանի պաշտպանության նախարարության կայքում տեղադրված հայտարարության մեջ։

Գործակալության տվյալներով՝ անօդաչու թռչող սարքերից մեկը խոցվել և վնասազերծվել է ադրբեջանական բանակի կողմից, իսկ մյուսները թիրախավորել են քաղաքացիական ենթակառուցվածքները։

Նպատակակետերի թվում էր նաև դպրոցը, որը անօդաչու թռչող սարքը փորձել է հարվածել դասերի ժամանակ։ Պաշտոնական տեղեկատվության համաձայն՝ հարվածը ձախողվել է. անօդաչու թռչող սարքը վթարի է ենթարկվել և պայթել դպրոցի մոտակայքում։

Ադրբեջանի նախագահ Իլհամ Ալիևը միջադեպը որակել է ահաբեկչական հարձակում և հրամայել է զինվորականներին պատրաստ լինել պատասխան միջոցառումների։

Թեհրանը հերքում է մեղադրանքները՝ պնդելով, որ անօդաչու թռչող սարքերը ուղարկվել են Իսրայելի կողմից կեղծ դրոշի ներքո։