«Իրանն անվտանգության նկատառումներից ելնելով հետաձգել է Խամենեիի իրավահաջորդի նշանակումը»․ #NYT

Իրանը հետաձգել է սպանված գերագույն առաջնորդ այաթոլլա Ալի Խամենեիի իրավահաջորդի նշանակումը՝ անվտանգության նկատառումներից ելնելով, հաղորդում է The New York Times-ը՝ հղում կատարելով իրանցի պաշտոնյաներին։

Լրատվամիջոցի աղբյուրների տվյալներով՝ երբ հայտնի է դարձել, որ Իրանի գերագույն առաջնորդի պաշտոնի գլխավոր հավակնորդը այաթոլլա Խամենեիի որդին է՝ Մոջթաբան, նրա անվտանգության հետ կապված մտավախություններն ուժգնացել են:

Իսրայելի պաշտպանության նախարար Իսրայել Կացը ավելի վաղ հայտարարել էր, որ Իրանի կողմից նշանակված ցանկացած առաջնորդ «կլինի ոչնչացման թիրախ»։

Իր հերթին, ԱՄՆ նախագահ Դոնալդ Թրամփը Խամենեիի որդու՝ Մոջթաբայի թեկնածությունն անվանել էր անընդունելի։