«Հուսով եմ՝ քրդերն իմաստուն կգտնվեն՝ այլոց ձեռքին խաղալիք չդառնալու համար»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Թուրքիայի Դիարբեքիր քաղաքում տեղի իսլամական ֆոնդը զանգվածային սգո արարողություն է կազմակերպել, աղոթելով նահատակված հոգևոր առաջնորդ իմամ Խամենեի համար։ Միաժամանակ հայտարարություններ են հնչել ի աջակցություն Իրանի։
Բայց այստեղ կարևորն ու հատկանշականն այն է, որ Դիարբեքիրը համարվում էր թուրքական Քուրդիստանի ոչ ֆորմալ մայրաքաղաքը։ Հաշվի առնելով հակամարտության մեջ քրդական որոշ ուժերի ներգրավմանն ուղղված Իսրայելի ջանքերը, սա բավականին հետաքրքիր իրադարձություն է։
Հույս ունեմ, քրդերը կգտնվեն բավականաչափ իմաստուն, նոր ջարդերի սեփական ազգակիցներին չենթարկելու և այլոց ձեռքին խաղալիք չդառնալու համար»։