Չորեքշաբթի, 15 հուլիսի, 2026 թ.
|
Ստեփանակերտում`   +23 °C

«Իրանը չի դիտարկում ԱՄՆ-ի հետ հետագա բանակցությունների հնարավորությունը». Արաղչի

«Իրանը չի դիտարկում ԱՄՆ-ի հետ հետագա բանակցությունների հնարավորությունը». Արաղչի
1261
Երեքշաբթի, 10 մարտի, 2026 թ., 10:25

Իրանի ԱԳ նախարար Աբբաս Արաղչին հայտարարել է, որ Իսլամական Հանրապետության նոր գերագույն առաջնորդ Մոջթաբա Խամենեիի օրոք Միացյալ Նահանգների հետ բանակցությունների հարցը դժվար թե դիտարկվի։

«Նախևառաջ, դեռ վաղ է որևէ մեկնաբանություն անել: Մենք բոլորս սպասում ենք Խամենեիի ելույթներին և մեկնաբանություններին: Բայց ես չեմ կարծում, որ ամերիկացիների հետ խոսելու կամ ամերիկացիների հետ բանակցելու հարցը կրկին կդրվի սեղանին, քանի որ մենք ամերիկացիների հետ խոսելու շատ դառը փորձ ունենք»,- ասել է Արաղչին՝ PBS-ին տված հարցազրույցում՝ պատասխանելով այն հարցին, թե արդյոք նոր գերագույն առաջնորդի օրոք բանակցություններ են վարվելու ԱՄՆ-ի հետ, և արդյոք Մոջթաբա Խամենեին բաց է դրա համար։