ԱՄՆ-ն կաջակցի Իրանի նոր գերագույն առաջնորդի սպանությանը, եթե նա հետքայլ չանի. #WSJ

Միացյալ Նահանգները կաջակցի Իսրայելին Իրանի նոր գերագույն առաջնորդ և հանգուցյալ այաթոլլա Ալի Խամենեիի որդու՝ Մոջթաբա Խամենեիի սպանության հարցում: Սպիտակ տունը դա կանի Իրանի ղեկավարության կողմից զիջումների բացակայության դեպքում, հաղորդում է The Wall Street Journal-ը՝ հղում անելով ԱՄՆ-ի ներկա և նախկին պաշտոնյաներին։

Վաշինգթոնի գլխավոր պահանջն Իրանի կողմից միջուկային մշակումներից հրաժարվելն է: Մոջթաբա Խամենեին համարվում է քաղաքական գործիչ, որը չի ցանկանում փոխզիջումների գնալ, մասնավորապես՝ միջուկային ծրագրի հարցում: Տարբեր երկրների քաղաքական վերլուծաբանները վստահ են, որ կրտսեր Խամենեին չի բանակցի ամերիկյան պայմաններով: Wall Street Journal-ի տվյալներով՝ Իսրայելը կարող է ստանձնել Իրանի նոր առաջնորդի սպանության պատասխանատվությունը։

Խամենեիի նշանակումից կարճ ժամանակ առաջ Թրամփը հայտարարել էր, որ Իրանի հաջորդ գերագույն առաջնորդը չի կարողանա երկար մնալ իշխանության գլուխ առանց ԱՄՆ-ի համաձայնության: Ֆլորիդայում կայացած մամուլի ասուլիսում Թրամփը նաև հիասթափություն էր հայտնել Խամենեիի նշանակումից: Նա ասել է, որ ԱՄՆ-ն ունի երեք «հարմար» թեկնածու, սակայն Թրամփը նրանց անունները չի նշել։