Իսրայելը հարվածել է Բեյրութի կենտրոնին

Իսրայելական ավիացիան հարվածել է Լիբանանի կենտրոնական մասում գտնվող Այշատ Բաքքար թաղամասին։ Այս մասին ТАСС-ին հայտնել է Լիբանանի քաղաքացիական պաշտպանության ծառայության աղբյուրը։

Նշվում է, որ հրթիռները հարվածել են բազմահարկ շենքի, ինչի հետևանքով հրդեհ է բռնկվել։ Աղբյուրի խոսքով՝ ավիահարվածի թիրախը, հավանաբար, «Հեզբոլլահ»-ի ղեկավար-անդամն է եղել։

Al Hadath-ի հաղորդմամբ հարվածի հետևանքով զոհվել է «Ալ-Ջամաա ալ-Իսլամիա» խմբավորման առնվազն չորս ղեկավար-անդամ։

«Ալ-Ջամաա ալ-Իսլամիան» համարվում է «Հեզբոլլահ»-ի դաշնակիցը, իսկ դրա մյուս թևը՝ «Քուվաթ ալ-Ֆաջրը», մասնակցում է Իսրայելի դեմ գործողություններին։