«Իրանը կշարունակի հարվածել Մերձավոր Արևելքում ԱՄՆ ռազմաբազաներին»․ Փեզեշքիան

Իրանը կշարունակի պատասխան հարվածներ հասցնել Մերձավոր Արևելքում գտնվող ԱՄՆ ռազմաբազաներին, որտեղից հարձակումներ են իրականացվում իրանական տարածքի վրա: Այս մասին Պակիստանի վարչապետ Շահբազ Շարիֆի հետ զրույցում հայտնել է Իսլամական Հանրապետության նախագահ Մասուդ Փեզեշքիանը։

«Իրանը տարածաշրջանի երկրներին հարվածելու կամ նրանց հետ հակամարտության մեջ մտնելու մտադրություն չունի։ Ինքնապաշտպանության իրավունքի շրջանակներում թիրախավորվելու են միայն այն բազաները, որտեղից հարձակումներ են իրականացվում մեր տարածքի վրա»,- Փեզեշքիանի խոսքերն է մեջբերում նրա մամուլի ծառայությունը։