«Իսրայելի օդուժը Լիբանանում կամուրջ է ոչնչացրել»․ #Elnashra

Իսրայելի ռազմաօդային ուժերի ինքնաթիռները հարվածել են Լիբանանի հարավային Զրարիա շրջանում գտնվող Լիթանի գետի վրայով անցնող կամրջին, հաղորդում է Elnashra-ն։

Լրատվամիջոցի տվյալներով՝ կամրջի վրա մի քանի հրթիռ արձակելուց հետո կառույցի հիմնական մասը փլուզվել է։

Իսրայելի պաշտպանության բանակի ներկայացուցիչը հայտարարել է, որ կամուրջը «Հեզբոլլահ» շարժման համար առանցքային անցակետ է ծառայել, որով զինյալներն ուղևորվում էին սահմանային շրջաններ՝ նախապատրաստվելու Իսրայելի հյուսիսում գտնվող բնակավայրերի դեմ մարտական գործողություններին: