«Իսրայելը լայնածավալ հարվածներ է հասցրել Թեհրանի կենտրոնին»․ ՑԱՀԱԼ

2312

Ուրբաթ, 27 մարտի, 2026 թ., 09:55

Իսրայելի պաշտպանության բանակը (ՑԱՀԱԼ) հայտնել է Թեհրանի կենտրոնին լայնածավալ հարվածներ հասցնելու մասին:

Tasnim-ի հաղորդմամբ ռմբակոծության է ենթարկվել նաև Իրանի հյուսիս-արևմուտքում գտնվող Ուրմիա քաղաքը. մի քանի մարդ է զոհվել և վիրավորվել:

Ղոմ քաղաքի նահանգապետի մամուլի խոսնակն էլ հայտնել է, որ քաղաքի բնակելի թաղամասին հասցված ավիահարվածի հետևանքով զոհվել է առնվազն վեց խաղաղ բնակիչ։

Հիշեցնենք, որ փետրվարի 28-ից ԱՄՆ-ն և Իսրայելը հարվածներ են հասցնում Իրանում գտնվող թիրախներին, այդ թվում՝ Թեհրանին։ Իրանը պատասխան հարվածներ է հասցնում Իսրայելին և Մերձավոր Արևելքում գտնվող ԱՄՆ ռազմական թիրախներին։