Շաբաթ, 07 նոյեմբերի, 2026 թ.
|
Ստեփանակերտում`   +6 °C

Պակիստանը հայտարարել է ԱՄՆ-Իրան առաջիկա բանակցությունների մասին

Պակիստանը հայտարարել է ԱՄՆ-Իրան առաջիկա բանակցությունների մասին
1354
Կիրակի, 29 մարտի, 2026 թ., 22:30

ԱՄՆ-Իրան բանակցությունները կարող են տեղի ունենալ Իսլամաբադում առաջիկա օրերին, հայտարարել է Պակիստանի արտաքին գործերի նախարար Մուհամմադ Իշակ Դարը։

Նրա խոսքով՝ Պակիստանի իշխանությունները համագործակցում են ԱՄՆ-ի հետ՝ Մերձավոր Արևելքում հակամարտությունը լուծելու համար։

«Պակիստանը ուրախ կլինի հյուրընկալել և նպաստել երկու կողմերի միջև բովանդակալից բանակցություններին առաջիկա օրերին՝ շարունակվող հակամարտության համապարփակ և երկարատև լուծման նպատակով»,- ասել է նա Սաուդյան Արաբիայի, Թուրքիայի և Եգիպտոսի արտաքին գործերի նախարարների հետ Իսլամաբադում բանակցություններից հետո։

Բանակցություններից հետո Պակիստանը, Սաուդյան Արաբիան, Թուրքիան և Եգիպտոսը համաձայնել են ստեղծել հանձնաժողով՝ ԱՄՆ-Իրան հակամարտությունը լուծելու ուղիներ գտնելու համար, հավելել է Մուհամմադ Իշակ Դարը։

Միջազգային ատոմային էներգիայի գործակալության գլխավոր տնօրեն Ռաֆայել Գրոսին նույնպես հայտարարել է, որ ԱՄՆ-Իրան բանակցությունները կարող են տեղի ունենալ Իսլամաբադում։ Axios-ի աղբյուրները հայտնել են, որ հանդիպմանը կարող են մասնակցել Իրանի խորհրդարանի խոսնակ Մոհամմադ Բաղեր Ղալիբաֆը և ԱՄՆ-ի փոխնախագահ Ջ.Դ. Վենսը։

Կարդացե՛ք նաև