Իսրայելը գրաֆիտային ռումբերով հարվածում է Իրանի էլեկտրակայաններին

Իսրայելի Ազգային անվտանգության ուսումնասիրությունների ինստիտուտի (INSS) հետազոտող Օրիտ Պերլովն իր X էջում գրել է, որ Իսրայելն այսօր երեկոյան առաջին անգամ, սահմանափակ մասշտաբով, օգտագործել է գրաֆիտային ռումբեր՝ Թեհրանի էլեկտրակայանները խափանելու համար։
Պերլովը նշել է, որ սրանք ոչ մահացու զենքեր են, որոնք նախատեսված են էլեկտրացանցնանջատելու համար՝ առանց ենթակառուցվածքները ֆիզիկապես ոչնչացնելու. ռումբը թիրախի վրա ցրում է նուրբ ածխածնային մանրաթելեր, որոնք նստում են ենթակայանների և տրանսֆորմատորների վրա՝ առաջացնելով կարճ միացումներ և էլեկտրաէներգիայի անջատումներ։

Պերլովը խոստովանում է, որ այս զենքի օգտագործումը կարող է լինել փորձնական և նախապատրաստական ​​քայլ՝ ինչպես Իրանի էլեկտրաէներգիան անջատելու լայնածավալ գործողության, այնպես էլ Իրանի տարածքում հնարավոր խորը ցամաքային գործողությունների համար։

Ավելի վաղ ԱՄՆ-ի նախագահ Դոնալդ Թրամփը հայտարարել էր, որ Միացյալ Նահանգները «կոչնչացնի Իրանի բոլոր էլեկտրակայանները, նավթահորերը և Խարգ կղզին» Պարսից ծոցում, եթե Թեհրանը խափանի ԱՄՆ-ի հետ խաղաղության բանակցությունները։