ԱՄՆ-ում դպրոցականը կրակել է ուսուցչի վրա և ինքնասպան եղել

ԱՄՆ-ում 15-ամյա աշակերտն ինքնասպան է եղել, երբ դպրոցում կրակել է ուսուցչի վրա: Այս մասին հայտնում է Xinhua-ն՝ հղում կատարելով նահանգային իշխանություններին։

Միջադեպը տեղի է ունեցել Hill Country College Preparatory High School-ում, որը գտնվում է Թեքսաս նահանգի Կոմալ շրջանի Բուլվերդ քաղաքում: Կրակողից և ուսուցչից բացի այլ տուժածներ չկան։

Շրջանի շերիֆ Մարկ Ռեյնոլդսը հայտնել է, որ աշակերտը նախ կրակել է ուսուցչի վրա, որից հետո զենքն ուղղել է իր վրա: Այժմ քննիչները վերլուծում են աշակերտի և ուսուցչի միջև փոխհարաբերությունները, ինչպես նաև փորձում են պարզել, թե ինչպես է զենքը ձեռք բերվել: Նշվում է, որ ուսուցիչը տեղափոխվել է հիվանդանոց։