Զելենսկին չհայտարարված այցով ժամանել է Ստամբուլ

Ուկրաինայի նախագահ Վլադիմիր Զելենսկին շաբաթ օրը չհայտարարված այցով ժամանել է Ստամբուլ, որտեղ նախատեսում է քննարկել Ուկրաինայում հակամարտության կարգավորման շուրջ բանակցային գործընթացը. Այս մասին հայտնում է «ՌԻԱ Նովոստի»-ն։

Վլադիմիր Զելենսկիի հետ բանակցությունների ժամանակ Թուրքիայի նախագահ Ռեջեփ Թայիփ Էրդողանը շեշտել է Սև ծովում անվտանգ նավարկության կարևորությունը։

«Հանդիպման ժամանակ նախագահ Էրդողանը հայտարարել է, որ Թուրքիան կշարունակի աջակցել Ուկրաինայի և Ռուսաստանի միջև բանակցություններին, քանի որ մեր տարածաշրջանը կարիք ունի ավելի մեծ խաղաղության և կայունության», - նշվում է Թուրքիայի ղեկավարի գրասենյակի հայտարարության մեջ։