«Իրանը հարվածել է Իսրայելի մի շարք օբյեկտների և Քուվեյթի ավիաբազաներին»․ #PressTV

Իրանի «Խաթամ ​​ալ-Անբիա» կենտրոնական հրամանատարության խոսնակ Էբրահիմ Զոլֆաղարին հայտարարել է Իսրայելում մի շարք օբյեկտների և Քուվեյթի ավիաբազաներին հարվածելու մասին, հաղորդում է Press TV-ն։

«Թել Ավիվի հյուսիսում և հարավում գտնվող առանցքային օբյեկտները, Հայֆայի ռազմավարական կենտրոնները, Բեեր Շևի քիմիական գործարանները և Պետահ Տիկվայում իսրայելական զորքերի կուտակումները խոցվել են բարձր ճշգրտության բալիստիկ հրթիռներով»,- ասվում է հաղորդագրության մեջ:

Քուվեյթում հարձակումների թիրախում էին երկու օբյեկտներ։ ««Ալի ալ-Սալեմ» ավիաբազայի մի քանի թռչող սարքեր խոցվել են ճշգրիտ հրթիռներով և անօդաչու ԱԹՍ-ներով։ Քուվեյթում գտնվող ԱՄՆ «Ալ-Ադիրի» ավիաբազան ենթարկվել է հրթիռային և ԱԹՍ-ների հարձակման, որի արդյունքում ոչնչացվել են ուղղաթիռների անգարներ և ամերիկյան զինվորական անձնակազմի համար նախատեսված օբյեկտներ»,- հավելում է լրատվամիջոցը։

Հարվածներ են հասցվել նաև Բաղդադում գտնվող ամերիկյան «Վիկտորիա» բազայի հրամանատարական և վերահսկողական կենտրոններին, սակայն դրանք իրականացվել են Իրաքի իսլամական դիմադրության կողմից։