«Ասում են՝ տան խոսակցությունը երեխուց իմացի»․ Էդգար Ղազարյան

«Ասում են չէ՞՝ տան խոսակցությունը երեխուց իմացի․ ՔՊ-ական պատգամավոր Հասմիկ Հակոբյանն ասում էր՝ միգուցե մենք օրենք ընդունենք և Սամվել անունով մարդկանց արգելենք մասնակցել ընտրություններին։ Պարզվում է՝ լուրջ է եղել, քննարկումեր եղել են, օրենք են ընդունել»,- ԱԺ դիմաց ասուլիսի ժամանակ ասաց հասարակական, քաղաքական գործիչ Էդգար Ղազարյանը։ «Մինչև հիմա նկարների հետ էին պայքարում, հիմա կպել են անունին»,- հավելեց նա:

Հիշեցնենք՝ ԱԺ-ում քննարկվում է «Հայաստանի Հանրապետության ընտրական օրենսգիրք» սահմանադրական օրենքում լրացումներ և փոփոխություններ կատարելու մասին՝ ՔՊ-ի ներկայացրած նախագիծը, որով առաջարկվում է հետևյալ փոփոխությունը. «Կուսակցությունների դաշինքի անվանումը չի կարող պարունակել անձնանուն, պետական և տեղական ինքնակառավարման մարմինների անվանումներ կամ դրանց շփոթելու աստիճան նման անվանումներ և (կամ) դրանց հոլովաձևեր»: