«ԱՄՆ-ն չկարողացավ նվաճել Իրանի վստահությունը Իսլամաբադում կայացած բանակցությունների ժամանակ». Ղալիբաֆ

ԱՄՆ-ն չկարողացավ նվաճել Իրանի վստահությունը Իսլամաբադում կայացած բանակցությունների ժամանակ, ասել է Իրանի պատվիրակության ղեկավար, խորհրդարանի խոսնակ Մոհամմադ Ղալիբաֆը։

«Բանակցությունների մեկնարկից առաջ ես ընդգծեցի, որ մենք ունենք անհրաժեշտ բարի կամքը, սակայն նախորդ երկու պատերազմների փորձի պատճառով մենք վստահություն չունենք հակառակ կողմի նկատմամբ», - գրել է նա X սոցիալական ցանցում։

Ղալիբաֆի խոսքով՝ Թեհրանը դիվանագիտությունը ռազմական պայքարի հետ մեկտեղ դիտարկում է որպես իրանական ազգի իրավունքները պաշտպանելու մեթոդ և չի դադարեցնի քառասուն օրվա ազգային պաշտպանության նվաճումները ամրապնդելու ջանքերը։

«Ամերիկան ​​հասկացել է մեր տրամաբանությունն ու սկզբունքները, և հիմա ժամանակն է, որ որոշի՝ կարո՞ղ է արժանանալ մեր վստահությանը, թե՞ ոչ», - հավելել է նա։

Իրանի խորհրդարանի նախագահը նաև շնորհակալություն է հայտնել Պակիստանին բանակցային գործընթացը հեշտացնելու ջանքերի համար և իր բարեմաղթանքներն է փոխանցել նրա ժողովրդին։