«ԱՄՆ-ն հասել է Իրանի դեմ գործողության իր նպատակներին»․ Վենս

ԱՄՆ վարչակազմը կարծում է, որ Իրանի դեմ ռազմական գործողության նպատակները իրականացվել են, և այժմ կարելի է անցնել այս հակամարտության ավարտմանը։ Նման հայտարարությամբ հանդես է եկել ԱՄՆ փոխնախագահ Ջեյ Դի Վենսը։

«Կարծում եմ՝ մենք գտնվում ենք մի իրավիճակում, երբ հասել ենք մեր նպատակներին։ Մենք կարող ենք սկսել գործողությունը ավարտել։ Ես կնախընտրեի, որ մենք այն ավարտենք լայնածավալ և հաջող բանակցությունների միջոցով»,- ասել է Վենսը՝ Fox News-ին տված հարցազրույցում։

Նրա խոսքով՝ բանակցությունների վերսկսման հարցում գնդակն այժմ Թեհրանի դաշտում է։ Սակայն նշել է, որ երկխոսության բնույթը կարող է արմատապես փոխվել, եթե Իրանն այդպես էլ չբացի Հորմուզի նեղուցը։