«ԱՄՆ-ն առաջարկել է Իրանին 20 տարով դադարեցնել ուրանի հարստացումը»․ #NYT

ԱՄՆ-ն Իրանին առաջարկել է ոչ թե միջուկային գործունեության լիակատար արգելք, այլ աշխատանքների 20-ամյա «դադարեցում», որը թույլ կտար Թեհրանին ոչ ընդմիշտ հրաժարվել հարստացման իրավունքից, գրում է The New York Times-ը՝ հղում կատարելով իր աղբյուրներին:

Սակայն Իրանը, ըստ NYT-ի աղբյուրների, պնդել է ավելի կարճ՝ հինգ տարվա ժամկետի վրա։ Նմանատիպ առաջարկ քննարկվել էր փետրվարին Ժնևում ԱՄՆ-ի և Իրանի բանակցությունների ընթացքում և դարձել էր այն գործոններից մեկը, որոնցից հետո Թրամփը որոշել է անցնել ռազմական սցենարի, գրում է լրատվամիջոցը։

Նշվում է, որ բանակցություններում մնում են նաև այլ առանցքային անհամաձայնություններ՝ Հորմուզի նեղուցով նավերի ազատ անցումը և Իրանի կողմից «ՀԱՄԱՍ»-ի և «Հեզբոլլահ»ի աջակցության դադարեցումը: Այնուամենայնիվ, գլխավոր խոչընդոտը մնում է Իրանի կողմից իր միջուկային ծրագրից հրաժարվելու, ենթակառուցվածքները ապամոնտաժելու և վառելիքի պաշարները դուրս բերելու հարցը: