Թրամփը խորհրդակցություն է անցկացրել Հորմուզի նեղուցում ստեղծված իրավիճակի վերաբերյալ

ԱՄՆ նախագահ Դոնալդ Թրամփը Սպիտակ տանը հանդիպում է անցկացրել՝ քննարկելու Հորմուզի նեղուցում ստեղծված իրավիճակը և Իրանի հետ բանակցությունները, հաղորդում է Axios-ը՝ հղում անելով աղբյուրներին։
«Նախագահ Թրամփը շաբաթ առավոտյան Սպիտակ տան իրավիճակների սենյակում հանդիպում է անցկացրել՝ քննարկելու Հորմուզի նեղուցում ստեղծված վերջին ճգնաժամը և Իրանի հետ բանակցությունները, հայտնել են երկու ամերիկացի պաշտոնյաներ», - գրում է լրատվամիջոցը։

Հանդիպմանը մասնակցել են փոխնախագահ Վենսը, պետքարտուղար Մարկո Ռուբիոն, պաշտպանության նախարար Փիթ Հեգսեթը և ֆինանսների նախարար Սքոթ Բեսենթը: