Չորեքշաբթի, 17 հունիսի, 2026 թ.
|
Ստեփանակերտում`   +23 °C

«ԱՄՆ-ն կարող է ուժեղացնել ճնշումը Իրանի վրա, եթե Թեհրանը չգնա գործարքի»․ Ռուբիո

«ԱՄՆ-ն կարող է ուժեղացնել ճնշումը Իրանի վրա, եթե Թեհրանը չգնա գործարքի»․ Ռուբիո
743
Երեքշաբթի, 28 ապրիլի, 2026 թ., 10:08

ԱՄՆ-ն կարող է մեծացնել Իրանի վրա ճնշումը՝ փորձելով հասնել իր պահանջների կատարմանը, հայտարարել է ԱՄՆ պետքարտուղար Մարկո Ռուբիոն:

«Իրանի վրա ճնշումն արտակարգ է, և ես կարծում եմ, որ այն կարելի է էլ ավելի ուժեղացնել»,- ասել է Ռուբիոն Fox News-ին տված հարցազրույցում՝ պատասխանելով այն հարցին, թե ինչ կանի ԱՄՆ-ն, եթե Իրանը գործարքի չգնա Վաշինգթոնի հետ:

Նա հրաժարվել է մանրամասներ ներկայացնել հնարավոր նոր միջոցառումների մասին, սակայն նշել է, որ ԱՄՆ-ն կարող է Թեհրանի նկատմամբ պատժամիջոցներ կիրառել, որոնց մակարդակը Ռուբիոն նույնպես գնահատել է որպես «արտակարգ»:

Միևնույն ժամանակ, Պետդեպարտամենտի ղեկավարը հրաժարվել է քննարկել երկու երկրների միջև հակամարտության կարգավորման վերաբերյալ համաձայնագրի հնարավոր պայմանները՝ նշելով, որ Վաշինգթոնի կողմից այդ հարցի վերաբերյալ որոշումը պետք է կայացնի ԱՄՆ նախագահ Դոնալդ Թրամփը։