«Թեհրանը երբեք չի հանձնվի՝ չնայած Թրամփի սպասումներին»․ Եգիպտոսում Իրանի դեսպան

Իրանը չի հանձնվի՝ չնայած ԱՄՆ նախագահ Դոնալդ Թրամփի հայտարարություններին։ Այս մասին ТАСС-ի հետ զրույցում հայտնել է Կահիրեում Իսլամական Հանրապետության դեսպան Մոջթաբա Ֆերդոուսի Փուրը։

«Մենք թույլ չենք տա, որ ԱՄՆ-ն մեզ հետ խոսի ուժի դիրքերից։ Իրանը երբեք չի հանձնվի և չի վարի բանակցություններ ճնշման և նոր հարձակումների սպառնալիքների ներքո»,- նշել է դիվանագետը։

Դեսպանի խոսքով Իրանը չի նախատեսում ԱՄՆ-ի հետ բանակցությունների ընթացքում քննարկել իր հրթիռային ծրագիրը, ինչպես նաև «Դիմադրության առանցքը»՝ Թեհրանի կողմից աջակցվող տարածաշրջանային զինված կազմավորումները։