«Աշխարհի մինչև 20 տարեկանների ֆուտբոլի 2029թ․ առաջնությունը տեղի կունենա ՀՀ-ում և Վրաստանում»․ Նիկոլ Փաշինյան

«Ուզում եմ ուրախությամբ արձանագրել, որ FIFA-ն մի շատ կարևոր որոշում է կայացրել՝ 2029 թվականի Աշխարհի մինչև 20 տարեկանների ֆուտբոլի առաջնությունը տեղի կունենա Հայաստանում և Վրաստանում»,- կառավարության նիստում այս մասին հայտնեց վարչապետ Նիկոլ Փաշինյանը։ շարունակելով.

«Ուզում եմ թե՛ Վրաստանին, թե մեզ շնորհավորել այդ առիթով։ Եվ հիմա, ինչպես ասում են, անցնում ենք գործի։ Ինչպես նախատեսված է նախ պետք է ձևավորվի աշխատանքային խումբ»,-ասաց Փաշինյանը՝ հավելելով, որ FIFA-ի և Վրաստանի հետ պետք է քննարկեն, թե կազմկոմիտեն միասնական է լինելու, թե առանձին։

ԿԳՄՍ նախարար Ժաննա Անդրեասյանը հայտնեց, որ ակնկալվում է, որ մոտ 100000 երկրպագու կգա Հայաստան, և Երևանում կլինի մինչև 20 խաղ, իսկ Վանաձորում և Իջևանում միասին 10 խաղ, Իջևանում նախատեսվում է կառուցել նոր ստադիոն։