«Շիրակ»-ի գլխավոր մարզիչ Արսեն Հովհաննիսյանը հրաժարական է տվել

1650

Շաբաթ, 02 մայիսի, 2026 թ., 20:42

Գյումրու «Շիրակ» ֆուտբոլային ակումբի գլխավոր մարզիչ Արսեն Հովհաննիսյանը հրաժարական է տվել։ Այս մասին հայտնել է ակումբի մամուլի ծառայությունը։

«Արմսպորտ»-ը գրում է, որ Հայ մասնագետը Գյումրին ներկայացնող թիմի մարզչական ղեկը կրկին ստանձնել էր նախորդ տարվա ամռանը։ Նա «Շիրակի» գլխավոր մարզչի պաշտոնում վերանշանակվել էր 2025 թվականի հունիսին։

Հավելենք, որ մինչև գլխավոր թիմ վերադառնալը, Հովհաննիսյանն աշխատում էր ակումբի կառույցում։ Նախքան գլխավոր մարզչի պաշտոնը ստանձնելը նա համակարգում էր մանկապատանեկան ֆուտբոլը՝ զբաղեցնելով «Շիրակի» ակադեմիայի տեխնիկական տնօրենի պաշտոնը: