«Իրանի պատասխանն ԱՄՆ-ի առաջարկին անընդունելի է». Թրամփ

ԱՄՆ նախագահ Դոնալդ Թրամփն Իրանի պատասխանը՝ հակամարտության կարգավորման վերաբերյալ ԱՄՆ-ի առաջարկին, միանգամայն անընդունելի է անվանել:
«Ես հենց նոր կարդացի Իրանի այսպես կոչված ներկայացուցիչների պատասխանը։ Ինձ այն դուր չի գալիս, այն բացարձակապես անընդունելի է»,- գրել է Թրամփը՝ Truth Social-ում։
Իրանի կողմից ԱՄՆ-ին ներկայացված առաջարկների տեքստում «ընդգծվում է պատերազմի անհապաղ դադարեցման և Իրանի դեմ չհարձակվելու երաշխիքների տրամադրման անհրաժեշտությունը... այն ընդգծում է ԱՄՆ պատժամիջոցների չեղարկման, բոլոր ճակատներում պատերազմի դադարեցման և Հորմուզի նեղուցի նկատմամբ Իրանի վերահսկողության հաստատման անհրաժեշտությունը», հաղորդում է Tasnim-ը՝ հղում կատարելով իր աղբյուրին։