Հունգարիայի նախագահը մերժել է Մադյարի՝ հրաժարական տալու պահանջը

Հունգարիայի նախագահ Թամաշ Շույոկը մերժել է նոր վարչապետ Պետեր Մադյարի՝ հրաժարական տալու պահանջը։ Այս մասին նա հայտարարել է Index.hu-ին տված հարցազրույցում։

«Ներկայումս չկա իրավական կամ սահմանադրական որևէ հիմք, որը կարող էր արդարացնել իմ հրաժարականը։ Ես երդում եմ տվել Սահմանադրությանը և սահմանադրական կարգի պաշտպանությանը, և այդ երդումը պարտավորեցնում է ինձ իշխող մեծամասնության, փոքրամասնության և ամբողջ ազգի առաջ»,- ասել է քաղաքական գործիչը։

Շույոկը նշել է, որ «կան սոցիալական և քաղաքական մտադրություններ, որոնք ուղղված են նախագահի լիազորությունները սահմանափակելուն», սակայն նրա հրաժարականի համար «սահմանադրական հիմքեր» չկան։

Ավելի վաղ Մադյարը կոչ էր արել նախագահին կամավոր հրաժարական տալ մինչև մայիսի 31-ը: Նա նշել էր, որ Շույոկն իրավունք չունի մնալ պաշտոնում, քանի որ վերջին տարիներին, չնայած իր պարտականություններին, նա չի կարողացել կանխել Վիկտոր Օրբանի գլխավորած նախորդ կառավարության կողմից քաղաքական, սոցիալական և ֆինանսական ոլորտներում կատարված չարաշահումները: