Բայրամովն ու Գուտերեշը քննարկել են հայ-ադրբեջանական հարաբերությունները

Ադրբեջանի ԱԳ նախարար Ջեյհուն Բայրամովը, ՄԱԿ Անվտանգության խորհրդի «Միջազգային խաղաղության և անվտանգության պահպանում․ ՄԱԿ կանոնադրության նպատակների և սկզբունքների հարգում և ՄԱԿ-ի վրա հիմնված միջազգային համակարգի ամրապնդում» թեմայով բաց բանավեճին մասնակցության շրջանակներում, հանդիպում է ունեցել կազմակերպության գլխավոր քարտուղար Անտոնիու Գուտերեշի հետ։ Այս մասին հայտնում են ադրբեջանական լրատվամիջոցները։

Նշվում է, որ հանդիպման ընթացքում կողմերը մանրամասն քննարկել են հետկոնֆլիկտային շրջանում տարածաշրջանում ստեղծված իրավիճակն ու նոր իրողությունները, Ադրբեջանի և Հայաստանի միջև հարաբերությունների կարգավորման գործընթացը և վստահության ամրապնդման միջոցառումները։