«ԵՄ, թե՞ ԵԱՏՄ. ՀՀ մտադրությունը սկզբունքային է»․ Լեբեդև

ԵՄ-ի և ԵԱՏՄ-ի վերաբերյալ Հայաստանի մտադրությունների հարցը սկզբունքային է, Вести-ի հետ զրույցում ասել է ԱՊՀ գլխավոր քարտուղար Սերգեյ Լեբեդևը։

«Իմ կարծիքով՝ այս հարցը կքննարկվի բարեկամաբար։ Մյուս կողմից՝ սկզբունքային հարցը հետևյալն է. դուք ընտրում եք ԵԱՏՄ, թե՞ ԵՄ։ ԵՄ-ն երկար պատմություն է։ Շատ երկրներ ցանկանում են միանալ ԵՄ-ին, և ԵՄ-ին միանալու գործընթացը տարիներ է տևում։ Սակայն ԵԱՏՄ-ն իրականություն է, որից մենք հիմա չենք կարող հրաժարվել։ Դրանից շատ բան է կախված»,- նշել է պաշտոնյան։

Լեբեդևի կարծիքով՝ Հայաստանը նույնպես գիտակցում է Եվրասիական տնտեսական միության կարևորությունը։ «Հետևաբար, ոչ ոք հիմա չի պլանավորում խզել կապերը ԵԱՏՄ-ի հետ, ինչպես արդեն հայտարարել են Փաշինյանն ու շատ այլ գործիչներ։ Հետևաբար, համագործակցությունը կշարունակվի։ Ինչ վերաբերում է ԵՄ-ին, կտեսնենք»,- հավելել է նա։