Հինգշաբթի, 20 օգոստոսի, 2026 թ.
|
Ստեփանակերտում`   +29 °C

Իսրայելն ու Լիբանանը ԱՄՆ-ում անցկացրել են բանակցությունների չորրորդ փուլը

Իսրայելն ու Լիբանանը ԱՄՆ-ում անցկացրել են բանակցությունների չորրորդ փուլը
449
Չորեքշաբթի, 03 հունիսի, 2026 թ., 10:28

Իսրայելի և Լիբանանի պատվիրակությունները Վաշինգթոնում անցկացրել են բանակցությունների չորրորդ փուլը, հայտնել է ԱՄՆ Պետդեպարտամենտը:

«Քաղաքական և անվտանգության հարցերում առաջընթացը շարունակվում է, քանի որ մենք հաղթահարում ենք վերջին 20 տարիների սխալները և շարժվում դեպի համապարփակ համաձայնագիր, որն ուղղված է Լիբանանի ինքնիշխանության վերականգնմանը և Իսրայելի անվտանգության ապահովմանը»,- ասվում է Պետդեպարտամենտի պաշտոնական ներկայացուցիչ Թոմի Պիգոթի հայտարարության մեջ։

Նա վերահաստատել է ԱՄՆ-ի հանձնառությունը՝ աջակցելու այդ բանակցություններին, և հայտնել է, որ հաջորդ փուլը կանցկացվի այսօր։

Չնայած ապրիլի 16-ին Վաշինգթոնում կողմերի առաջին բանակցություններից հետո հրադադարի շուրջ պայմանավորվածությունների ձեռքբերման մասին ամերիկյան վարչակազմի հայտարարություններին, Իսրայելը շարունակում է ամեն օր հարձակվել Լիբանանի հարավում գտնվող տասնյակ բնակավայրերի վրա: Ի պատասխան՝ «Հեզբոլլահ» շարժումը ռազմական գործողություններ է իրականացնում իսրայելական ուժերի դեմ:

Կարդացե՛ք նաև