Ուրբաթ, 05 հունիսի, 2026 թ.
|
Ստեփանակերտում`   +16 °C

Հունգարիան դադարեցրել է աշխատանքային վիզաների տրամադրումը Հայաստանի քաղաքացիներին

Հունգարիան դադարեցրել է աշխատանքային վիզաների տրամադրումը Հայաստանի քաղաքացիներին
75
Այսօր, 21:24

Այսօրվանից Հունգարիայի կառավարությունը դադարեցնում է աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին։ Այս մասին հայտնել է Հունգարիայի կառավարության մամուլի քարտուղար Վանդա Շոնդին, հաղորդում է Reuters-ը:

Պաշտոնական վիճակագրության համաձայն՝ օտարերկրյա աշխատողները կազմում են Հունգարիայի աշխատուժի ընդամենը 2%-ը, սակայն որոշ ոլորտներ, ինչպիսիք են ծառայությունները և արդյունաբերությունը, մեծապես կախված են օտարերկրյա աշխատուժից։

Կառավարությունը փոփոխության կենթարկի այն որոշումը, որը հնարավորություն էր տալիս աշխատուժի հավաքագրմամբ զբաղվող ընկերություններին պարզեցված ընթացակարգով աշխատողներ ներգրավել Ֆիլիպիններից, Վրաստանից և Հայաստանից։

Կառավարությունն այս բարեփոխումներն անվանում է առաջին քայլ՝ պլանավորված երկարաժամկետ լուծման ճանապարհին։

Հունգարիայի խոշորագույն օտարերկրյա ներդրողներից ոմանք հայտարարել են, որ հրավիրյալ աշխատողների ներհոսքի լիակատար դադարեցումը հարված կհասցնի տնտեսությանը։

Կարդացե՛ք նաև