«Ընդդիմության արդյունքները ցույց տվեցին, որ Փաշինյանի քաղաքականությունը չի աշխատում»․ Սիլաև

Հայաստանում կայացած ընտրությունների արդյունքները վկայում են, որ Նիկոլ Փաշինյանի քաղաքականությունն այլևս չի աշխատում։ ТАСС-ի հետ զրույցում նման կարծիք է հայտնել է ՄԳԻՄՕ-ի Միջազգային հետազոտությունների ինստիտուտի առաջատար գիտաշխատող Նիկոլայ Սիլաևը։

«Ամենահետաքրքիրն այն է, որ այն կուսակցությունը, որը ստեղծվել էր ընտրություններից մեկ տարի առաջ, դարձել է ամենամեծ և ազդեցիկ ընդդիմադիր ուժը։ Եվ դա ցույց է տալիս, որ այն, ինչի վրա ութ տարի շարունակ հենվել էր Փաշինյանը՝ «կամ ես, կամ նախկինները», այլևս չի գործում»,- ասել է փորձագետը։

Նրա խոսքով՝ Հայաստանում կա «թարմացման» մեծ պահանջարկ։ «Սա ցույց է տալիս, թե որքան մեծ է թարմացման պահանջը։ Ընդ որում՝ առաջին հերթին հենց ընդդիմադիր դաշտում»,- հավելել է Սիլաևը։