Ուրբաթ, 06 նոյեմբերի, 2026 թ.
|
Ստեփանակերտում`   +8 °C

«Պուտինը G7-ի գագաթնաժողովին մասնակցելու հրավեր չի ստացել»․ Պեսկով

«Պուտինը G7-ի գագաթնաժողովին մասնակցելու հրավեր չի ստացել»․ Պեսկով
225
Երեքշաբթի, 16 հունիսի, 2026 թ., 14:46

Ռուսաստանի նախագահ Վլադիմիր Պուտինը «Մեծ յոթնյակի» (G7) գագաթնաժողովին մասնակցելու հրավեր չի ստացել, լրագրողներին հայտնել է նրա մամուլի քարտուղար Դմիտրի Պեսկովը, հաղորդում է ТАСС-ը։

Ավելի վաղ Ուկրաինայի նախագահ Վլադիմիր Զելենսկին հայտարարել էր գագաթնաժողովում Պուտինի հետ հանդիպելու պատրաստակամության մասին: Նա այն անվանել էր «բոլորով միասին» հանդիպելու լավ հնարավորություն, քանի որ գագաթնաժողովին մասնակցելու են նաև ԱՄՆ-ի և Ֆրանսիայի նախագահներ Դոնալդ Թրամփը և Էմանուել Մակրոնը։

G7 գագաթաժողովն անցկացվում է հունիսի 15-17-ը Ֆրանսիայի Էվիան-լե-Բեն քաղաքում: Բացի կազմակերպության անդամ երկրների առաջնորդներից, Մակրոնի կողմից հրավերներ են ստացել նաև Ուկրաինայի, Եգիպտոսի, Սաուդյան Արաբիայի, Կատարի և ԱՄԷ-ի ղեկավարները: