Լիբանանում Իսրայելի հարձակումների հետևանքով առնվազն 16 մարդ է զոհվել

1554

Ուրբաթ, 19 հունիսի, 2026 թ., 11:21

Իսրայելի ռազմաօդային ուժերը հարվածներ են հասցրել «Հեզբոլլահ» շարժման հենակետերին՝ Լիբանանի հարավում գտնվող Նաբաթիե նահանգում, ինչի հետևանքով զոհվել է 16 մարդ։ Նման տվյալներ են ներկայացվում արտակարգ իրավիճակների կառավարական շտաբի ամփոփագրում, հաղորդում է ТАСС-ը։

«Հարրուֆ բնակավայրի ուղղությամբ ավիահարվածի հետևանքով զոհվել է ութ խաղաղ բնակիչ։ Աշ-Շարքիայում ավիահարվածից ավերվել է մի տուն, որի հետևանքով զոհվել է չորս մարդ, ևս երեքը զոհվել են Քֆար Սիրի վրա հարձակման հետևանով»,- նշվում է տեքստում։

Մեկ այլ զոհվածի՝ ենթադրաբար «Հեզբոլլահի» անդամի մասին տեղեկություններ ստացվել են էդ Դուվեյր քաղաքից, որտեղ իսրայելական ԱԹՍ-ն հարձակվել է մոտոցիկլետի վրա: